大麥牛肉麵 (已結業)

今天路經西環，行下行下見到有間小店，就入咗去試下。一入去老闆娘帶我地坐低，然後好有心咁逐樣介紹有咩招牌菜。老闆娘話飯同麵都正！今日想食下麵，所以就同朋友分別叫咗一個招牌紅燒牛肉麵，同埋招牌紅燒牛肉蕎麥麵。另外仲叫咗兩份小食，一個係豆腐皮蛋，另外一個係滷水拼盤。之後老闆娘話一定要試埋個酸梅湯，我問佢可唔可以要暖既，佢都話可以呀。落完order, 啲野食好快就上到。首先係上咗個酸梅湯先。酸酸甜甜，好開胃呀！然後就陸續上咗豆腐，拼盤同埋兩個麵。等咗都只係十分鐘唔夠。啲野食好足份量，味道都唔錯。食食下，可能附近近港大，有外國人入嚟食，老闆娘都可以用英文對答到。整體嚟講可以一試！