牛站(駅)麻辣火鍋放題

營業中

休息中

今晚難得約到3個朋友出來，決定去好多人話好食的牛站打邊爐！揀左2號餐：美國極黑和牛片放題，價錢相宜，食2個鐘。湯底有2x種，真係好多。我覺得要揀麻辣先正，突出肉的味道！而且呢度可以鴛鴦鍋，甘就揀個豬骨湯+麻辣。不過麻辣湯BB辣都好辣~~套餐肉類可以揀美國極黑和牛SRF、美國安格斯牛板腱、美國肩胛肉，羊肉。牛肉薄切打邊爐好爽有牛味。同埋超大塊。牛舌爽脆都推薦。幾欣賞海鮮有多款，海蝦、沙白、海參、花膠、魚片、帆立貝，海蝦同帆立貝好得。朋友推薦乳鴿、話脆皮香口，都真係幾好食。自助區有熟食及醬料，好多丸類蔬菜、水果。飲品櫃包蘿萬有！推薦珍珠奶茶，茶底好滑同珍珠好軟糯。雪糕有Haagen Dazs，而且有三隻味。柚子味好食。第一次食呢間，係幾高質，難怪7點未夠，已訂位既都已經排長龍入！仲有好多人walk-in等位。