小曼谷海鮮燒烤屋

營業中

休息中

九龍城最出名就係泰國餐廳, 唔想行去食, 唯有出動外賣送遞, 安坐家中享受泰國美食。🥢黃咖哩海鮮黃咖哩比較重椰奶味道, 偏甜, 稀杰適中, 同泰式蒜蓉包真係好夾。配上不同海鮮, 包括帶子, 蝦, 魷魚, 青口。海鮮雖然是冰鮮, 但唔會有重重嘅雪味, 煮得剛好, 所以軟硬適中。🥢泰式蒜蓉包大大塊嘅蒜蓉包, 面層舖滿新鮮蒜蓉粒, 香脆可口, 用嚟蘸咖哩汁, 真係好好食! 相信現場食應該更脆。🥢風味燒豬頸肉豬頸肉燒得好香, 肉質軟腍, 充滿肉香。份量亦十分之大份。🥢香葉辣椒豬肉炒飯呢個炒飯絕對適合鍾意食辣嘅人食, 因為真係好辣! 炒飯炒得好香, 粒粒分明, 放入口每啖都會有豬肉碎同豆粒, 好食!整體食物都好出色, 不過價錢偏貴, 一定會再食, 不過就唔可以食得太密。