古今二 (The ONE)

營業中

休息中

放假去咗尖沙咀行街，行到攰攰地係商場見到一間食日式串燒同特色卷物嘅餐廳幾吸引，就膽粗粗入咗去試下。餐廳唔係好大，但環境都OK，當日被安排坐係卡位，坐得都幾舒服。✨雜錦刺身沙律沙律大大碗，用料非常豐富，有角切吞拿魚、角切三文魚、角切劍魚、三文魚籽、蟹籽、車厘茄和生菜等配料，配上微辣嘅醬汁食落都幾開胃。✨超級龍捲風有鰻魚、海老、芝士、青瓜和脆片等配料做嘅卷物，每件都好大舊，海老炸得夠脆，用料豐富，每食一啖都充滿層次感。芝士嘅鹹味加埋甜甜地嘅醬汁食落好惹味。✨櫻花蝦原條茄子燒大量嘅櫻花蝦鋪滿在茄子上，上菜時都聞到櫻花蝦味道香氣四溢，茄子冇燒到好乾，仲可以保留到香甜嘅水份，加埋香濃鹹香嘅味道食落非常惹味。✨黑豚豬頸肉串燒黑豚豬頸肉食落爽口又多汁，燒得啱啱好完全唔乾。✨鹿兒島黑豚荔枝卷串燒外層嘅鹿兒島黑豚肉肉味香濃又Juicy，包係入面嘅荔枝仍保留到荔枝嘅水份，香甜爆多汁，配黑豚肉食好夾完全唔覺得膩👍串燒、卷物、沙律、茄子樣樣都好好味，絕對值得我再二訪。