鍋心粥底火鍋 (世宙3座) (已結業)

作為一個中意食海鮮又中意打邊爐嘅Foodie 每次只要天氣凍少少 就會諗起鍋心粥底火鍋🍲數數手指今次已經係第三次光顧啦😌每份套餐都係2人份量 仲要免加一 超一抵食🙌🏻🔸肉蟹+沙白蜆+自選5款海鮮 HKD218今次揀咗粥水做底 絕對可以食到海鮮嘅鮮味🤤海鮮就揀咗鮑魚/海蝦/花甲/大尾魷/貴妃蚌/刀貝座位旁邊有個牌寫住煮每樣海鮮嘅最佳時間 只要用timer count住就可以了最驚喜係海蝦每隻都跳跳紮㗎！沙白蜆同花甲粒粒都飽滿！肉蟹多肉之餘肉質仲非常鮮甜！食晒海鮮之後就可以自選8款火鍋配料火鍋配料比之前仲要多咗 真係眼花撩亂今次揀咗自家制手打馬蹄雞滑/自家制手打准山雞軟骨丸/肥牛/豬梅頭片/汕頭牛丸/花膠仔/農場雞件/魚皮餃自家制系列係喺坊間搵唔到嘅配料口感彈牙 味道特別 值得一試肥牛同豬梅頭屬於肥瘦適中 肥牛肉味濃 係高品質嘅配料汕頭牛丸有驚喜 咬落超juicy 配料食到差唔多 店員會嚟幫手預備煮粥首先將粟米 芋頭粒 南瓜粒煮腍再壓至半溶狀態 店員仲會問客人想要杰粥定稀粥由於粥底本身已經有海鮮甜味 再落埋芫荽 菜莆 豬油渣 令每一啖味道豐富之餘更加有口感個人覺得 個粥一定要熱住食先至食至