海南少爺 (已結業)

已經係第二次幫襯呢度！上一次係假期同班朋友食晏，今次就自己食晚飯。兩次叫啲菜式都唔同，但大部份都好味道。其中好食嘅有香脆嘅玉子豆腐，件玉子豆腐外脆、內軟，個汁亦好好味。士多啤呢排骨亦都好，個士多啤呢汁好香，排骨又唔肥。仲有三款「鄧」湯，無味精，又滋潤。反而啲海南雞就一般，不過無計，冰鮮雞呢講算係咁。好彩碗雞飯幾好味，仲有另一個特別嘅選擇，就係海南雞湯飯。碟雞同湯飯分開上，個湯飯有好香嘅椰子味，將啲雞肉放埋入去一陣，啲雞肉暖咗亦有啲湯汁就更好味！唯一美中不足就係菜式選擇唔算太多，不過耐唔耐食餐就無問題。