遇見花蓮

營業中

休息中

難得今日唔想食office食，一於搵埋同事一齊去「遇見花蓮」🫶🏻今次我叫左滷肉鹽酥雞飯，同事叫左薑蔥鹽酥雞飯，我地再加左一份起司多肉鬆捲餅。雖然滷肉唔算好多，但就有8件鹽酥雞！見到都「哇～」左一聲😂8件仲要有啲嫩，即係唔係鞋烚烚既口感，係我想要既野🤡我覺得飯量係足夠，美中不足係滷肉唔可以加多啲🥲如果加少少錢就可以解決，我諗我都會加🥹好👌🏻到小食啦～叫左起司蛋肉鬆捲餅一份有4件～如果比較多人食可以叫多一份，我地兩個女仔食係岩岩好😎多啲人可能會唔夠喉🤭芝士唔算好多，唔會多到流出黎，岩岩好既份量好似熱溶咁。咬口有啲脆口，唔會淋，呢個口感我都幾鐘意😚減緊肥既食兩舊唔過份😜我叫左薏米水，飲落無乜味，如果加返啲檸檬就好喇！又可以清暑又可以利尿🤣🤣朋友都大讚冬瓜茶好飲，唔會勁甜！我地既餐大約都係60蚊！已經包埋野飲(部分要加錢)，仲有一碗紫菜貢丸湯。我覺得價錢係非常合理，大大碗真係飽住離開。