發哥粥底海鮮火鍋 (已結業)

冇諗過原來餐廳日夜都有分兩間，咁岩係觀塘，平時係觀塘食過西餐，今次決定想打下邊爐，所以就搵到呢間發哥粥底海鮮火鍋店。一入到門口，侍應已經好熱情咁招待，呢個值得加分。另外一嚟就會有兩個小菜，都係開胃小菜，青瓜等。見到餐牌已經好吸引，所以我地兩個人都叫左龍蝦餐，另外仲會送啲鮑魚貝類既海鮮！冇諗過二百幾蚊都有咁多海鮮簡。首先講咗龍蝦先，隻龍蝦都長過我嘅手掌，重點係好多膏，肉都好多。我哋問咗職員應該要整幾多分鐘，一咬落口好清甜，呢個價錢真係超值！下次可能會試吓第二個餐。另外仲送咗四隻熟嘅青口同埋燉湯，真係好少同火煱有燉湯飲！仲要個燉湯好多材料，扺讚！另外仲有鮑魚，洗得好乾淨，衛生方面值得加分，可以俾大家睇吓，連貴妃蚌都大隻，重點係冇沙！另外魚類都仲有多寶魚同鯇骨腩，份量雖然唔算多，但係個人認為兩個人啱啱好，因為仲有其他餸，推介安格斯牛肉，油脂分泌岩岩好，食落好香牛味。另外仲有八款配料任揀，我就揀左幾款，當中比較推介嘅係自製墨魚丸，食落好爽口，因為試過出邊嘅火鍋店都係話自家製，其實同出邊工廠製嘅冇分別。最後重頭戲，就係佢嘅粥底火鍋，加咗南瓜同菜甫，蒸海鮮嘅汁跌晒落佢個湯底，越食越入味！呢間鋪頭嘅