泰妃雞 (已結業)

自己本身好鐘意食海南雞，尤其係絛骨個隻。早排在飲食講場睇見KC兄推介泰國人海南雞和泰妃雞，前者我試過幾間，感覺好一般；後者位處在我公司附近，偏偏未曾光顧過，於是搵日放工去會一會佢。無需要睇餐牌，也無須多考慮，就一碟泰式海南雞飯，加一罐可樂。然之後就用earphone塞住耳仔，自得其樂。未幾，海南雞飯端上來。油飯幾香，偏向乾身，相信好多人會鐘意，但我個人反而喜歡油一點的。海南雞是去骨的，合口胃。雞肉嫩滑，亦有雞味，雞皮又有油香，很是不錯，比起黃大仙的那間得獎名店"拍檔"還要好得多。若要彈的，就是伴碟的青瓜和蕃茄切得太厚，有點過份。同時，青瓜也不夠爽口。呢味海南雞飯幾有水準，必會再來。或者下次可以試下佢個豬脾飯！