Cafe Zense

營業中

休息中

銅鑼灣好食嘅餐廳多不勝數，好多樓上餐廳都係經朋友介紹先會識搵到。Zense 算係值得bookmark 嘅西餐。白酒牛油煮大蜆配酸種多士白酒牛油汁品道好濃厚，Dip 酸種多士就岩哂，蜆肉size 唔算太大隻但勝在量夠多。手撕法國油封鴨腿肉牛肝菌意大利飯第一次咁樣食法國油封鴨， 夾埋牛肝菌嘅品道之餘又有有少少自身嘅鹹香味。啖啖嘅奶油香味同油封鴨嘅味道好balance。慢煮24小時美國安格斯牛肋骨伴乾蔥紅酒燒汁牛肋骨一向都係肉質好硬咬到牙都軟，但經慢煮處理後就好似食緊豬五花咁，油分充足肉質好軟熟。牛油味香就固然，而紅酒燒汁剛好可以中和到牛肋骨嘅油膩感，自問食牛唔點醬嘅我都忍唔住要破戒！芝麻豆腐沙冰豆腐打嘅沙冰第一次試，加埋芝麻嘅感覺好似食緊芝麻糊溝豆腐花，而且甜度可以自訂，on Diet 嘅我絕對放心點黑糖薑茶入秋就要飲返啲養生熱飲暖暖身。朋友點嘅黑糖薑茶都出色，薑味好重帶有少少辣，飲完成身暖笠笠。