Cafe Zense

營業中

休息中

想過一個Chill 嘅Weekend 提早小小食晚飯，可以避開繁忙時間。Cafe Zense 位於銅鑼灣商業大廈內，它雖然已經開業頗長時間，但仍有一批忠心Fans 餐廳分為室內和戶外Pet Friendly 亦不定期有咖啡拉花班，滿足到不同人的喜好。我們不想吃太多肉，所以前菜揀了2 款泰式冬陰功忌廉藍青口白汁煮青口就吃得多，以泰式醬汁煮不常吃到，湯汁冇白汁那樣濃稠，青口肉連住殼，可以順著嘗一點冬陰公湯，酸酸辣辣，頗惹味。付上的黑麥包香脆十足，索湯啱曬。慢煮香草雞胸牛油果雜菜沙律伴熱情果油醋汁亮點是特製「熱情果油醋汁」熱情果作沙律汁味道夠特別，甜中帶微酸，令人食欲大增，慢煮香草雞胸，不鞋口，充滿蛋白質又健康，沙律菜和牛油果也超多，絕對是keep fit 者之選。紅酒燴牛尾粗管通粉燴牛尾頗有嚼勁，但切得太細粒，食得吾夠過引，粗管長通粉吸汁一流，al dente 。蘆薈柚子茶天氣開始涼，濕度又低，小點喝凍飲，為身體健康打底。熱柚子茶喝下去夠順喉，甜C C的味道很好，令我感到溫暖。

今日黎 CWB 試新食店 ~ 平日上到嚟都好多人😲😲原來呢度有露天嘅座位 , 10 月尾吹住涼風 , 一路飲飲食食 , 同朋友傾偈會好舒服 , 一啲都唔覺得熱 ~泰式冬陰忌廉藍青口伴酸種多士 ($158)份量好多啊 , 目測有 20 隻以上 ~ 2 , 3 個人食都冇問題 ~ 每粒都沾滿醬汁😍😍辣辣地好惹味, 酸種麵包都好正好煙韌 , 皮好脆 👍👍香煎加拿大豬鞍扒伴意大利青瓜 ($268)厚厚的豬鞍好 juicy ~ 配上阿根廷青醬 ~ 青大利青瓜 ~ 外皮燒到好香脆嘅薯角 😏😏 完美組合 ~ 紅酒燴牛尾肉粗管通粉 ($148)牛尾肉味好濃郁 ~ 粗管通粉係我嘅至愛 ~ 好掛汁 ❤️芝麻豆腐沙冰 ($55)芝麻同豆腐超級夾 !! 芝麻嘅香味 , 加上豆腐嘅淡淡豆香 , 唔會太甜 , 好清新 , 而且勁大杯 😋😋 超抵飲 !!白土荔枝沙冰 ($55)酸酸甜甜 , 好開胃整體黎講 , 雖然食店處於內街商廈嘅樓上鋪 , 但係無阻咁多位美食愛好者過嚟搵食 , 平日晚上竟然坐滿晒 , 足以證明Cafe Zense 嘅實力 !!

銅鑼灣樓上Cafe有驚喜👍🏻👏🏻🦥💕謝斐道一座大廈樓上有間很chill的小店，中午套餐有牛扒、豬鞍扒、意粉等等，價錢由$138-$158，包括前菜和餐飲，性價比高，食物質素更保持水準！小店更設有室外位置呢！很chill ! 👍🏻燒澳洲穀飼肉眼扒牛扒選了五成熟，真真正正的五成熟，呈現粉紅色嫩光澤，很軟熟，易咀嚼，牛味濃。牛扒伴烤新薯片、西蘭花苗，配搭香蒜燒汁，就連配菜也相當出色。烤加拿大豬鞍豬鞍肉質很有彈性，口感軟熟，豬味沒有臊味，很易咬口，伴肉桂甜薯蓉西蘭花苗和配芥末籽忌廉汁，很惹味，大滿足！飲品方面，極推薦金莎朱古力，真真正正有金沙的味道，喜歡吃金沙不要錯過！其實，朱古力飲品有勁多選擇，喜歡飲朱古力的朋友一定會很開心😍當然還有很多咖啡飲品，這次點了意大利泡沫咖啡。還有很多茶類、smoothie 等等。可以慢慢chill😍

咁依家係銅鑼灣嘅一間樓上Cafe～其實都上過嚟幾次～我覺得佢特色嘅呢個芝麻嘅沙冰～係豆腐芝麻沙冰係10分好飲好味嘅～左邊嘅雜莓沙冰就一般咁黎過幾次都次次都有叫過其他嘅沙冰都冇呢個豆腐黑芝麻沙冰咁好飲覺得佢嘢飲幾出色，但係食物其實就一般般冇叫左兩個小食話邊一樣特別令我覺得好好食嘅咁午餐下午茶同埋晚餐都試過嘅價錢就中上啦唔算平～野飲都俾返出面其實就差不多～唔貴但嘢食其實我個人覺得都偏貴嘅小食或者main course來算～3人下午茶三百幾圍番$12x/per one

今天去食好啲，安排坐低冇Menu又冇俾水。點咗個蜆肉意粉。味道初時還可以，但食到一半就開始發現意粉有點奇怪，每一啖都有沙嘅感覺。起初以為係加入咗咩特別嘅調味料，後來發現根本係沙。蜆肉上面有細沙，因為沙太細，好容易誤以為係調味。每啖意粉都係沙沙聲，實在難以下嚥。最終忍唔住問咗服務員，佢隻字未提道歉，反而淡淡咁講話下次可以同佢哋講。真係從來未見過咁樣嘅出品，食完仲可以撩出一堆黑色嘅沙。雖然smoothie嘅口感唔錯，但呢碟意粉實在係大大嘅失望。

✨Oreo豆腐沙冰🍧✨購自: Cafe Zense(銅鑼灣謝斐道460-462號楊耀熾商業大廈4樓)價錢:$52推薦度:7.5/10-用豆腐整成嘅Oreo沙冰🍧 入口冰涼 平衡咗Oreo嘅甜膩感✅ 用豆腐代替咗奶整成沙冰 飲落好嫩滑 每啖都飲到豆腐嘅清香 甜度適中 唔會蓋過Oreo本身嘅味道 整體幾特別 值得推薦👍🏻💚✨薄荷朱古力豆腐沙冰🍫✨價錢:$52推薦度:7/10-呢杯係特製嘅豆腐沙冰😂因為見到店舖有唔同嘅朱古力飲品🍫 所以特製咗杯薄荷朱古力豆腐 飲落綿密順滑👍🏻 呢款比起Oreo冇咁甜 但就多咗份薄荷朱古力碎碎嘅口感😋 飲落好清新🍃 不過朱古力味就唔算突出 薄荷朱古力都係要配牛奶正啲‼️不過呢款飲落幾健康 又可以解渴💚

放假約朋友去呢間樓上cafe食lunch😊Cafe裝修好舒服，好chill，仲有戶外位，而且食物高質，認真唔錯👍🏻跟餐沙律 慢煮鴨胸柑橘田園雜菜沙律沙律都幾大碟，鴨胸肉都幾濃味，不過硬咗少少😅柑橘果肉非常香甜，沙律菜都幾新鮮幾fresh，so far 都唔錯。烤加拿大黑毛豬鞍 伴燒新薯 •扒蕃茄． 法邊豆．迷迭香燒汁 $158豬鞍好有驚喜，睇落勁大份勁厚身，但食落非常軟腍，好易咬開，配埋燒汁好好食👍🏻食到骨位要拎起咬，勁過癮😆薯仔烤得好香好軟綿，豆角都幾爽脆，蕃茄好多汁好juicy，呢份豬鞍真係好正😍欖油蒜片風乾蕃茄日本魷魚扁麵 $138意粉好有香草同橄欖油味，食落好香，魷魚份量都唔少，食落都好柔軟，完全唔韌，風乾蕃茄都幾有風味😋跟餐 熱檸水&茶Cafe Zense (銅鑼灣)銅鑼灣謝斐道460-462號楊耀熾商業大廈4樓*上述文章只供參考及以當時價格為準

收工，約了三五知己去食飯，朋友想食意大利粉，因此就選擇了這間coffee shop ☕️門前有埋室外坐枱、不過夏天好熱🌟🌟蟹賣蟹肉雜菌扁麵 $158🌟🌟🌟🌟🌟蟹賣蟹肉雜菌扁麵美味濃郁，蟹肉鮮甜多汁，雜菌帶來豐富的風味，搭配麵條入口滑嫩，整體口感豐富，層次分明，每一口都能感受到蟹肉和雜菌的完美結合，帶來滿滿的滿足感。這道料理絕對是味蕾的享受鹽燒厚切牛脷 $88 🌟🌟🌟🌟🤍牛脷外脆內嫩，肉質鮮嫩多汁，入口即化。經過簡單的調味，保留了牛脷本身的鮮甜風味，搭配微微的鹽味加上黑椒粉，讓整體口感更加豐富。每一口咬下去，都能感受到牛脷的鮮美和烤製過程中散發出的香氣😆、不過略厭味道過淡😂ZENSE雜錦拼盤 $158🌟🌟🌟🌟🤍蜜糖雞翼、五花腩、雞肉口感香甜多汁，肉質鮮嫩美味。每一種食材都經過獨特的調味和烹調方式，帶來豐富的風味和口感。蜜糖的甜味與肉類的鮮美完美結合，讓整體料理更加美味可口。薯條酥脆外皮，軟綿內心，口感香脆可口。提子蘋果沙冰 $48🌟🌟🌟🤍🤍清新淡雅，帶有微微的果香，但是味道較為淡、沒有提子的味。蜜桃荔枝沙冰 $48 🌟🌟🌟🌟🤍清爽果香，口感綿密滑順，甜甜蜜蜜、有清香的荔枝香，甜甜冰冰的口感

星期六嘅1230去到，竟然一個人都冇，好似包場咁😳✨️靜靜地望下風景，成個環境好舒服✨️（p.s. 1: 餐廳有露天座位，不過老婆婆驚凍所以鐘意室內多啲😂）（p.s. 2: 大概1300開始就陸續有其他客到，然後好快就full哂😂會有少少嘈+店員會好忙，所以如果要晏少少先黎到最好book定~）lunch menu啲野係另一個all-day menu冇嘅，睇落都幾吸引~不過又心思思想食牛肋骨，所以下次先試😂野飲叫咗壼玫瑰花茶($58)，如果同枱其他人都叫花茶可以refill~玫瑰花味好香✨️佢有附一枝蜜糖水可以加落茶度，不過我自己覺得唔加都已經好好飲~另外叫咗個煙三文魚牛角窩夫($138)好大碟好豐富😳淨係食呢個都真係會食到好飽😂😂不過個croffle有啲燶🙈好努力撥走啲燶嘅位先食就已經凍咗啲🥹🥹如果熱食一定會好味啲🙈然後主菜就係慢煮24小時美國安格斯牛肋骨($298) 不愧係慢煮，啲肉好淋✨️呢啲咬得好輕鬆嘅肉婆婆好鐘意😂突登試咗舊係冇點汁亦冇加蒜咁食，牛味好香✨️可惜因為遲咗食croffle，所以佢都放咗一陣先食凍咗啲🥹🥹如果熱食一定會好味啲🙈🙈整體黎無論環境，服務定野食都滿意🥰有啲想再趁熱食

野食一般，冇特別，唔特別評論。主要想講其中一位女待應服務態度、語氣差。OpenRice book 左2:30pm，坐低講限時個半鐘，當時其實已經冇乜人，差不多4pm 時我哋d咖啡仲未飲完，尼位女待應話我哋夠鐘要走，如果唔係要每人再order 野先可以繼續坐。眼見其實得番我地同另一枱客，冇其他人等位，而餐廳又唔係要落場，所以我哋問佢可唔可以比我地坐多陣，飲埋杯咖啡，女待應唔耐煩立即話唔可以，我哋 booking 夠鐘就要走… 其間已經好咁算啦，費事同佢嘈，去上樓 cafe 都係想同朋友 weekend relax 下，見面傾下計姐，我哋最後咖啡都冇飲曬，立即離開，去左另一間 cafe…

我從未試過寫食評，今次嘅經歷實在太離譜，一定要同大家分享。話說星期六晚約咗兩個朋友訂咗依間餐廳食晚飯，因為其中一個朋友生日，所以我買咗個蛋糕，諗住俾個驚喜佢。我地book咗8:00，8:05我另一個朋友就催我快啲到，因為佢哋只留枱15分鐘，食90分鐘。我以為好鬼旺啦，點知上到去仲有幾張吉枱，唔洗訂位都大把位坐。當我見到我朋友時，佢企喺門口等，個侍應見到我到咗至帶我哋埋枱，我交咗個蛋糕俾侍應，而佢冇問我任何嘢就攞走左個蛋糕。我哋個餐叫咗雞胸牛油果沙律（雞胸太乾，冇味）、帶子墨魚汁意大利飯（好鹹）、德國脆皮豬手（啲皮唔脆）、ZENSE雜錦拼盤同泰式冬陰藍青口（還可以）。我哋食食吓個侍應走埋嚟問我哋個蛋糕係咪喺度食？如果係就要收$50！(噢！乜驚喜都冇晒！)我就同佢講冇問題，會係度食！點不知我哋仲食緊之際，個侍應就無聲無息咁攞住個點着咗蠟燭嘅蛋糕放咗喺枱面。我即刻問佢係咪趕住收工？佢冇答我走咗去吧頭，同另外一個類似經理嘅男人講，之後個男人就啤住我，我咪大聲問佢係咪趕住收工囉。佢一直都冇答我一直啤住我。當時全間餐廳計埋我哋有三枱客，我隔籬嗰枱啲餸仲係啱啱上，使唔使咁趕客啊？之後又有一個類似廚房

第一次寫食評 😅因為哩間樓上 Cafe 小店真心極推介，食物大份 & 好味，員工服務體貼，特別帶眼鏡果位，因為Lunch time 多人，大枱已被坐，我同朋友安排坐二人枱，但大枱客人走後，員工安排我地轉去大枱，可以坐得舒服 d，實在太貼心喇 🥰 約朋友，一定會再黎哩間

和男朋友慶祝生日，店員都安排得很好。 環境靚，食物美味，上菜快，擺放美麗，很適合拍照。另外，生日甜品安排非常滿意，主動幫忙合照。離開時員工門都開心說生日快樂，氣氛寧靜又親切。 很快樂的晚餐😊

我想同你一齊食…浪漫燈泡閃閃晚餐🥰呢一間Cafe係位於銅鑼灣一幢商業大廈裏面，室內以白色設計非常光亮，出邊已黑色同木制裝修，兩種唔同感覺。夜晚戶外仲有點點燈泡，特別浪漫。我哋坐喺出邊，好似燭光晚餐一樣好有feelHappy Birthday泡芙忌廉杯🍹呢個係慶祝生日嘅打卡甜品真係冇錯！每個女仔見到都好鍾意包括我😋 泡芙雪凍好似雪糕波波一樣，外層焦糖，甜甜地食唔停口香燒五花肉串五花肉串燒得好香口，配上秘製醬汁好開胃～慢煮24小時美國安格斯牛肋冷 伴乾蔥紅酒燒汁 298分量非常非常之大！比我預期中有個距離😂相信可以三至四人分享🤭牛肉肉質軟腍，配上紅酒燒汁，多份果香手撕法國嘅油封鴨腿肉牛肝菌意大利飯 158特別鍾意食法式油封鴨腿，呢度嘅柔風鴨腿手撕要得一片片，配上好creamy 嘅意大利燴飯 ，鹹香鹹香’ 10分推介嘢飲方便都幾特別款式都好多雜莓沙冰 48水果味香唔會好甜！抹茶豆腐沙冰 52每一啖都有豆腐嘅清香，非常特別好似食緊豆腐咁.Cafe Zense (銅鑼灣)📍銅鑼灣謝斐道460-462號楊耀熾商業大廈4樓#銅鑼灣美食 #銅鑼灣Cafe #銅鑼灣好去處 #銅鑼灣西餐 #銅鑼灣 #生日

探險銅鑼灣嘅一間cafe，我一坐低就被一道自家制蟹肉墨魚餅吸引住。外皮煎到金黃色，脆得喺口裏嘩啦啦響，咬落去見到墨魚同蟹肉交織成一幅畫，鮮甜味夠晒正，啖啖肉嘅感覺真係正🦀！拉差蛋黃醬個微辣帶勁，啲餅瞬間有咗好戲味。再來，食個慢煮24小時嘅安格斯牛肋骨，肉質軟得跟雲咁滑，真係化咗喺口裏面😌，佢個乾蔥紅酒燒汁香氣四溢，夠曬香濃，帶出咗牛肉嘅濃郁味道。話晒，點可以唔試下意粉啫？我選了欖油蒜片辣椒大蜆意大利麵，啲意粉扎實，吸滿咗辛香嘅蒜汁同欖油，大蜆新鮮得滑，辣椒嗌辣得剛剛好，香辣惹味😝！整體嚟講，係一次港式風味嘅食物體驗，唔單止食物好味，環境仲舒適，值得一試！#樂食天天