鍋居火鍋專門店 (已結業)

食材新鮮，服務殷勤一定會再返轉頭。今日見天氣凍凍地，原本諗住去佐敦炮台街打邊爐，點知full Booking，唯有轉戰深水埗，搵咗好多間火鍋店，但係都冇得Walk in，我哋最後一行四人決定去咗呢一間火鍋店，點知有意外驚喜。豬骨湯底真材實料，生蠔肥美，脆鯇腩新鮮爽彈，墨魚滑新鮮彈牙。另外點咗肥牛，鵝腸，響鈴，雲吞，都有一定水準，價錢合理，飲埋啤酒， $2000有找。侍應服務非常之周到，真係有賓至如歸嘅感覺。絕對推介。