惠 (已結業)

琴日一返工，同事就好興奮咁樣走埋黎🤣，同我講發現左有一間超級超級好食既餐廳，叫我一定要快d去試下，今日一放工即刻去試😍😍因為好驚有好多人book位，所以我哋都預先book咗位！好好彩，啱啱好最後兩個位都俾我哋book到😍今晚可以大飽口福啦！！呢間餐廳係食Omakase！人生都唔係好經常食omakase！今次真係一個好滿足嘅一餐！餐廳唔算好大，位置唔算好多，不過勝在夠安靜同埋可以好好好咁享受下呢一個廚師推介嘅食材！好多魚生同埋壽司都好好食，其中一個我好鍾意嘅係呢個蟹甲羅燒！一見到佢個樣就已經心心眼😍因為聞到好香嘅蟹肉味！而且呢個配合左蟹肉，蟹膏，蟹子！真係滿滿嘅幸福感！而且呢個食落口嘅時候，啲蟹膏真係好濃郁嘅香味！好正！