辛手村 (已結業)

嗰日放工突然想食辣嘢，就約朋友去咗呢間係旺角嘅辛手村😚日本直送炸粒你紫薯紫薯上碟嘅時候燒到熱焫焫，外脆內甜，細細粒好易入口😋 川燒芝芯芝士腸芝士腸燒到皮脆肉嫩，一咬啲芝士就爆晒出黎，差啲焫親個口😝日式燒鰻魚鰻魚有厚度又無骨，唔會燒到太乾，好有質素😝估你唔到麻辣黑松露干煱干煱叫咗BB辣，裏面有豬頸肉、蓮藕片、芋絲、娃娃菜，魚豆腐、牛丸(係振興架!!)，上面仲有芝麻。干煱入面每款餸都好香入味，黑松露味唔會比麻辣味蓋過，兩隻味原來都幾夾，加個飯一齊食，非常滿足呀 👍🏼 干煱份量都好足夠，兩個人食啱啱好😇餐廳整體質素都好高，店員服務態度非常有禮，值得一讚同一試呀🤩