影片
更多
2024-07-04
122 瀏覽
前排同個台灣黎嘅同事傾開，先知原來灣仔呢間「路易奇電力公司」係台灣好出名嘅過江龍，以食燒和牛聞名嘅。咁梗係要帶我食肉獸女朋友黎試下啦！餐廳位於地鐵站C出口附近，好方便嘅。呢度嘅門面同裝修都俾人高級餐廳嘅感覺，入到去唔會有油煙味。另外呢度嘅店員服務態度殷勤，值得一讚！餐廳當晚有兩款dinner menu：以下係部份當晚食左嘅食物：「A5和牛海膽卷」：賣相一流，塊A5和牛同埋海膽一入口即溶，和牛嘅牛味同海膽嘅鮮甜喺口裡面碰撞，可以話係味蕾上嘅一大享受！「A5和牛刺身」：第一次食和牛刺身，原以為會血淋淋好腥，但原來口感同味道都有啲似拖羅刺身！可能因為兩者都係油香滿滿！「生牛肉佐帕瑪森起司」：造型好靚，啲生牛肉他他口感好好，而啲芝士非常香！唔怪得呢道小食係店家嘅招牌！「厚切牛舌、牛月見金磚、A5和牛牛小排」：三款牛各有特色，但都係牛味十足！最正係餐廳提供多款醬汁同埋調味品，可以自由選配！「美國醬漬封門柳」：本身已經調得好入味，而且肉質好juicy。好適合用來燒肉！「生蠔、帶子」：兩者都好大隻，放落去秘制醬汁一齊燒，熱辣辣食好鮮甜呀！「野菇盛合」：大大兜，有好幾款菇類選色。個人最鍾意呢度嘅金菇夠
餐廳位於地鐵站C出口附近，好方便嘅。呢度嘅門面同裝修都俾人高級餐廳嘅感覺，入到去唔會有油煙味。另外呢度嘅店員服務態度殷勤，值得一讚！
餐廳當晚有兩款dinner menu：
以下係部份當晚食左嘅食物：
「A5和牛海膽卷」：賣相一流，塊A5和牛同埋海膽一入口即溶，和牛嘅牛味同海膽嘅鮮甜喺口裡面碰撞，可以話係味蕾上嘅一大享受！
「A5和牛刺身」：第一次食和牛刺身，原以為會血淋淋好腥，但原來口感同味道都有啲似拖羅刺身！可能因為兩者都係油香滿滿！
「生牛肉佐帕瑪森起司」：造型好靚，啲生牛肉他他口感好好，而啲芝士非常香！唔怪得呢道小食係店家嘅招牌！
「厚切牛舌、牛月見金磚、A5和牛牛小排」：三款牛各有特色，但都係牛味十足！最正係餐廳提供多款醬汁同埋調味品，可以自由選配！
「美國醬漬封門柳」：本身已經調得好入味，而且肉質好juicy。好適合用來燒肉！
「生蠔、帶子」：兩者都好大隻，放落去秘制醬汁一齊燒，熱辣辣食好鮮甜呀！
「野菇盛合」：大大兜，有好幾款菇類選色。個人最鍾意呢度嘅金菇夠爽口！
總結：果然係台灣知名品牌過江龍，食物質素同埋環境都係一流，絕對值得推薦！
張貼
