築間酸菜魚

營業中

休息中

女朋友話想食酸菜魚，咁我梗係要識做上openrice搵間好嘢帶佢去啦。今次我就選擇左銅鑼灣廣場嘅呢間台灣過江龍「築間酸菜魚」，女朋友同我都非常滿意。餐廳就喺地鐵站旁邊，非常方便。環境方面，呢度裝修新淨、型格，夠曬光猛，而且座位寬敞，喺呢度用餐十分舒適。食物方面，呢度嘅選擇頗多。除左唔同口味嘅酸菜魚之外，更加有多款好吸引嘅台式小食。俾大家睇下個menu：當日我地兩個人叫嘅食物係：總長酸菜魚：滑溜嘅愉快擺喺香辣嘅湯底，配合埋獨家秘方嘅酸菜，酸爽嘅口感真係一流！湯底嘅紅薯粉吸收曬啲精華，非常惹味！啖啖劍蝦滑：雖然加六十蚊好似有啲貴，但絕對係值嘅，因為食得出係手打嘅靚蝦滑，啲蝦肉好飽滿彈牙，鮮味十足！浪子鹽酥雞：賣相吸引，食落去香脆可口，就好似喺台灣夜市食嘅一樣！高雄甜不辣：外層炸到金黃鬆脆，同裡面QQ嘅口感相映成趣，一試難忘。滷肉菜心：擺埋啲滷肉令菜心更入味，正！