泰旺泰國餐廳 (已結業)

中午經過華都，諗唔到食咩好，見到間野有位就入左去試試啦。叫左兩個餐，第一個係48蚊已經有一碟大大碟既星洲咖喱雞排飯，雞排明顯有煎過，因為食到脆邊。最離譜係送凍飲呀。另外叫左個雞絲冬蔭公湯河，最過份係雞絲全部係雞件，一碗湯河出現左例牌雞既份量，不過呢，d雞件呢就有d鞋。但係湯底好夠味亦唔係特別咸，飲完都唔會話要特別飲多d水既感覺。兩個細食既人，其實叫一個麵加小食已經好飽。總括黎講值得推薦俾屯門街坊。