基哥一品清湯腩 (已結業)

一早就想試下呢間新開的清湯腩。群記就成日排長龍，點都要發掘D新鋪比自己頂下引。基哥清湯腩環境好開揚，但位置比較偏僻，今晚成條街就好似得佢一間開鋪咁。條街人氣不足，都真係鄧佢難挨。今晚天氣凍凍地，我地叫左個二人套餐清湯腩火鍋，有牛腩、牛丸、牛脷、牛根、蘿蔔、枝竹、菜、米線、炸魚皮。火鍋料唔係任食，但汽水、豆漿任飲。清湯腩、牛根十分霖、牛脷好爽、牛丸好彈牙，清湯可以一碗碗咁飲，大滿足！將D湯加入米線，米線吸收晒D牛內味，真係可以再食多幾碗都得。食到最後一定係要講D蘿蔔，蘿蔔終於煲到霖晒，好有關東煮 feel，但無關東煮咁甜，味道剛剛好。又係食到停唔到。但實在太飽，不可以再食啦！唯一發覺佢地D菜洗得唔太乾淨，有兩粒發泡膠粒。