影片
更多
2017-01-28
2437 瀏覽
曾經晚飯時候經過哩間鋪，見門口有數人排隊就羊群一下埋去望下個menu, 見冇乜特別，再上openrice睇睇，見只係ok佔多數，算吧就冇幫襯。今晚年卅晚，行完中環個年宵俾人搵咗笨食咗$50一個不知所謂嘅蟹黃包仲要排隊，谷鬼氣去番維園掃咗啲正常少少嘅小食，夜晚成10點但有啲意猷未盡，一路行又經過哩度見又未打洋，就入去試下。店鋪唔大，全店坐倒廿人左右，裝修雅緻光猛整潔。最重要係張枱夠大，唔會迫迫夾夾。用嘅即棄筷子都係較精美滑身嘅貨色。未食已經覺得店主唔會太虧待啲客吧。落完order 等食期間見隔離嘅外藉人仕叫炸雞定食，大大件嘅炸雞好大份賣相好吸引。由於已經掃咗一輪小食都飽飽哋，唯有下次先試囉，今次只係叫幾個小食過下口癮。煎餃子 - 要咗蒜油味，餃子煎得唔乾，餃子皮同饀都仍然juicy! 蒜油香而不濃，唔錯唔錯雞肉棒配蛋汁 - 雞肉棒滑溜咬開又有肉汁，同個蛋汁非常夾，好食！吉列牛肉薯餅 - 哩個有嘅失望，炸得香口唔油膩，薯蓉好滑，惟牛肉好少食唔出牛肉味來。吉列池魚 - 推介！咬開香脆外層，裏面係juicy嘅魚肉，係有魚味嘅魚！但醬仲要有粒粒蛋白，夠誠意~薯蓉 - 就係夠fresh囉~唔錯後
今晚年卅晚，行完中環個年宵俾人搵咗笨食咗$50一個不知所謂嘅蟹黃包仲要排隊，谷鬼氣去番維園掃咗啲正常少少嘅小食，夜晚成10點但有啲意猷未盡，一路行又經過哩度見又未打洋，就入去試下。
店鋪唔大，全店坐倒廿人左右，裝修雅緻光猛整潔。最重要係張枱夠大，唔會迫迫夾夾。用嘅即棄筷子都係較精美滑身嘅貨色。未食已經覺得店主唔會太虧待啲客吧。
落完order 等食期間見隔離嘅外藉人仕叫炸雞定食，大大件嘅炸雞好大份賣相好吸引。由於已經掃咗一輪小食都飽飽哋，唯有下次先試囉，今次只係叫幾個小食過下口癮。
煎餃子 - 要咗蒜油味，餃子煎得唔乾，餃子皮同饀都仍然juicy! 蒜油香而不濃，唔錯唔錯
雞肉棒配蛋汁 - 雞肉棒滑溜咬開又有肉汁，同個蛋汁非常夾，好食！
吉列牛肉薯餅 - 哩個有嘅失望，炸得香口唔油膩，薯蓉好滑，惟牛肉好少食唔出牛肉味來。
吉列池魚 - 推介！咬開香脆外層，裏面係juicy嘅魚肉，係有魚味嘅魚！但醬仲要有粒粒蛋白，夠誠意~
薯蓉 - 就係夠fresh囉~唔錯後記：哩間小店食物價錢算平樣樣都係幾十蚊，份量又足，環境舒適；食物質素唔係話好高但不錯，性價比高，值得好評。一定會再嚟。
張貼
