雲來軒 (已結業)

呢間雲來軒已經係我第二次黎食之前得2個人黎食，叫得唔多野，但見到隔離檯啲菜式超吸引今次就約多啲人一齊食首先每人黎一個燉湯先日本花菇雞腳燉螺頭用茶壺燉湯，好特別所有精華係個湯度，個湯好夠清，味道又夠濃拖地蜜汁黑豚肉呢個「叉燒」肉質好軟稔，燒到外層有少少香口但又唔會有燒焦既味道，師傅控制火候岩岩好呢個真係必食之選金磚豆腐我好鍾意食椒鹽豆腐，但要食到一間好食既一啲都唔容易，因為平時經常都食到啲豆腐好「鞋」但呢間令我有期望呀外層的炸漿完美地包裹住豆腐，一啲都唔厚粉，咬開時又唔會散開而重點係豆腐係超滑四川水煮魚呢個水煮魚既魚塊好厚肉，肉質又好結實味道岩哂我，因為辣得黎又唔會太辣只是美中不足的是麻味不足，但對於嗜辣既我完全唔介意的