Thailand King

營業中

休息中

從來唔知原來喺尖沙咀後巷有間可以同朋友飲酒傾偈食串燒嘅泰國菜🥰舖頭嘅位置唔多，嚟之前都建議大家book位先🩵因為係平日夜晚同朋友兩個人都唔想飲酒，所以叫咗個泰式花膠冬陰功湯。冬陰功湯都足料，真係有鮮蝦，我平時食開五少辣，覺得個冬陰功可以再辣啲，但係其實已經望到落咗好多辣椒但又唔會好辣，我朋友有啲怕辣，但係都食到，而且冬陰功酸酸辣辣用黎做開胃菜真係一流。另外嚟食泰國嘢又點少得串燒？我哋叫咗燒菠蘿、一口牛西冷、墨魚餅同埋燒豬頸肉😋😋呢度啲串燒份量都比想像中夠，首先講豬頸肉，醃得夠入味，而且燒得啱啱好，有啲焦香得來又唔會太燶，食落唔會覺得好肥好有罪惡感😝另外燒菠蘿真係燒到有焦糖嘅口感，唔係外面食就咁燒乾咗表面，而且真係食到外脆內軟嘅焦糖燒菠蘿，大推！！另外我哋想食海鮮，但係極可惜店員話咖喱軟殼蟹冇晒😭😭所以唯有叫咗咖喱蜆，上碟已經嘩一聲，蜆嘅份量都好多，咖喱汁係偏重椰汁，佢同蜆配埋一齊唔會掩蓋海鮮味之餘反而更加帶出到蜆嘅鮮甜😇另外仲嗌咗個蟹肉蛋餅，啱晒做緊運動需要多啲蛋白質嘅朋友，蛋餅每一啖都食到拆散咗嘅蟹肉。最後又點少得芒果糯米飯配椰子雪糕呢？佢個椰子雪糕好特別，係用一個椰殼裝住，而且椰香