菊 越級私房菜 (已結業)

天后樓上鋪私房菜...地點幾就腳...環境格局幾好...最鐘意佢\有個露台..同班fd食完野出去吹下風傾下計感覺幾舒服..服務都幾好..每上一道菜都會介紹下道菜有咩特色同埋用料...食之餘都對每道菜有d認識=] 同埋問佢\有關越南菜同香料既問題都答得幾仔細...值得一讚食物方面...水晶鳳爪同香茅豬扒呢類特色菜整得好有水準...越南砵仔糕就真係第一次試..個waitress姐姐話係越南果邊既地道小食..幾特別主菜..最鐘意食佢\個春卷..同出面食果d真係好唔同...waitress姐姐話包春卷隻皮係佢\地特登係越南買番黎..要岩岩炸起就上菜..再蘸埋佢\地自製既魚露..真係好好味!!炒蓮苗蝦、火焰椰蝦同個米紙軟殼蟹卷都好有特色...介紹蓮苗果陣先知原來蓮藕條莖原來都可以食...食落去好爽口...火焰蝦真係令到我地成台人眼前一亮@@..有得食仲有得睇..米紙卷就自己親手包..將張米紙包埋軟殼蟹同其他配料黎食..係出面其他越南菜館食唔到個咖哩雖然唔算係特色野..不過整得好好味..我地連汁都拎埋黎送飯^^叫左幾杯越南特飲...係地道果汁來...味道幾特別..杯香茅水唔錯..好鐘意香茅果鐘香味