NN Coffee

營業中

休息中

餐廳以木色系設計為主，採光度高，在餐廳內進餐感覺舒適溫暖。餐牌設計精緻美觀，見到美食圖片已經胃口大增，要花一點時間先可決定食咩。久丸小山園糰子黑糖抹茶牛奶一上枱已經吸引眼球，抹茶粉，抹茶牛奶，一層一層咁，好靚，茶味奶味平均。至於最底有一層黑糖，可以因應個人喜好，拌勻黑糖，以調校甜味，真係好貼心。自家製蜜漬檸檬梳打蜜糖味同檸檬味比例啱啱好，感覺好清新。照燒雞扒伴飯團開頭以為飯團好普通，但原來唔係，暖暖嘅飯團加埋飯素，入口特別香。雞扒煎得香脆，唔會油淋淋，讚。日式磯煮時令鮑魚月見蕎麥麵擺盤十分精緻，一上枱已經心心眼了。蕎麥麵麵質滑溜，沾上鏗魚汁更係停唔到口。鮑魚鮮嫩彈牙，蘿蔔又淋又無渣，2個都好入味，真係睇得又食得。💯威士忌法式焦糖燉蛋第一口，我唔係咁習慣咁強烈嘅威士忌味，於是第二口伴埋雲呢拿雪糕，估唔到咁夾。雪糕中和左酒味，口腔內先係蛋香，再黎淡淡嘅酒香，係有驚喜嘅甜品。環境舒適寫意，食物美味可口，絕對值得bookmark再來。