海天花園酒家

營業中

休息中

2020年11月7日海之戀商場最近一兩個月開左呢間酒樓，一直都未抽到時間去試，今日終於可以食到。今日星期六，門口好多人排隊等位，當日等左大約半個鐘，三點二十分入座，不過三點半就截單。呢度環境乾淨企理，不過樓底矮，如果坐窗邊可以望到海景。點心款式選擇多，估唔到星期六都會有下午茶優惠。當日點左十款野食，全部都好味，椒鹽魷魚鬚丶椒鹽一口豆腐粒做得好出色，全部點心都係熱辣辣。蝦餃油左金色作裝飾，服務方面都唔錯，有禮貌。原來屯門三聖邨有間總店。