鮨芸館 (已結業)

今日同朋友黎工廈，行下同睇下手作仔，支持本地創作，不過去之前食D野先。 鮨芸館係D2 Place三樓，D2 Place就係地鐵站荔枝角D2出口，位置方便唔洗行幾個街口先到！ 環境: 成個環境同裝修以清淡顏色為主，非常舒服，比人一種休閒的感覺，適合想忙裡偷閒的“你地”，員工都友善。**店內另設有榻榻米的坐位，多人可以試下坐榻榻米。**枱面上有顏色筆同幾張卡，比客人填下顏色係等野食黎到之前可以有野做下，唔洗甘無聊，而小朋友有得填顏色當然會乖乖坐底唔會亂叫亂跑，靚靚的作品有機會貼係餐廳的當眼之處。餐具好有日本style，比個good啊！美食: 前菜幾開胃，唔錯！特上壽司盛盒(8件配蔥吞拿魚卷) ＄158 壽司好食，都好新鮮，但因為餐牌只寫左特上壽司，所以有D壽司我都唔知咩魚呢家，哈哈。飯細魚生大，不過就唔like壽司上面D醬，好難食，我就食壽司唔多食醬，正啊！蔥吞拿魚卷唔好食，吞拿魚肉質似食緊肉鬆。 牛肉烏冬+ 三文魚刺身＄88 味道尚可，牛肉肉質嫩似食緊越式生牛肉檬粉，烏冬同湯底都係平日食開的味道。另配三件三文魚刺身，正好厚，新鮮又冇根。