Flames (鴻圖道)

營業中

休息中

之前朋友嚟過呢度食晏覺得啲嘢食唔錯，今日就帶咗我過嚟試下。呢度環境幾新幾闊落，而且仲坐得好舒服，啱晒weekend過嚟chill 下。✨lunch set 既選擇都幾多，款式仲幾吸引，我地加$18配埋個餐湯。✨南瓜忌廉湯：好香甜嘅南瓜湯，每啖都食到粒粒嘅南瓜蓉，成個湯好濃creamy。✨蒜香蟹肉香草扁意粉：一上菜就聞到好濃的蒜香味，有好多蒜片，而且食到啖啖蟹肉，意粉軟硬適中。上面仲有巴馬臣芝士，芝士嘅香味加上蟹肉嘅鮮甜，配埋火箭菜，食落幾清新一啲都唔膩。✨8安士紐世蘭肉眼扒配烤蔬菜或薯條：塊扒好大件，我地雖然揀左7成熟，但切開仲好粉嫩，食落好juicy軟腍，而且牛味好濃。薯條啱啱新鮮炸好，熱辣辣脆卜卜，食到停唔到手。牛扒同薯條真係perfect match。呢度感覺唔錯，下次可以再encore再試下其實野食。