蜜庵本膳 (已結業)

適逢假日都市人都會瞓到自然醒。 出咗尖沙咀閒 逛， 接近兩點時間終於肚餓， 近赫德道 見到一間 裝修雅緻幾舒服 嘅日式食店， 門口好多午餐選擇（ 午市時段不設加一）。和式嘅設計令人感覺舒服， 落地玻璃更透入自然光兩大一小叫咗兩個午餐set。餐具非常精緻， 並無統一款式， 喜歡靚靚廚具嘅女士們必定賞心悅目。這款有香燒沖繩豬手為賣點。 豬手食落甘香，醃得入味， 唯份量較少。前菜嘅南瓜豆腐醬油煮， 豆腐入味， 南瓜香甜。白湯關東煮， 頗有日本風味， 雞白湯則比較清。熱可可甘酒甘酒成份其實係用米發酵， 當中並無酒精成份。 含豐富維他命，氨基酸同益生菌， 非常健康。 在日本當地飲食非常流行。熱可可 採用法國產100% 可可粉，香濃甘淳， 和面層輕型嘅cream 攪拌， 口感更滑更豐富。另一款lunch set則以大根牛尾煮為鍋物主菜。 湯底清澈唔會有油膩感， 牛尾細細件都炆得好腍， 配日本產米飯 健康美味。前菜係蔥花吞拿魚蓉配日本蛋黃。 可嘗試攪拌混入白米飯中， 香甜美味， 仲可以暖住嚟食😋😋日本天然山楂梳打山楂味果然天然，冇人造糖分嘅嘅味道， 配合有氣嘅梳打， 非常清新健康。加錢轉了美人雪糕。