影片
更多
2024-03-29
21 瀏覽
之前同其他朋友晚餐食過好唔錯，而住區內既朋友竟然無食過，難得約出黎行街，就同佢黎食下。日間餐廳既外觀幾日式，好適合打卡樓底高，感覺空間寬闊，冷氣好夠，我地入去既時候啱啱開門，未有太大人入座，但係10-15分鐘內好快就坐滿客人，果然係人氣餐廳。一睇發現原來假日都有午市套餐，仲可以加錢食唔同既泰式小食，啱曬我地兩個女仔，食唔到太多，可以每樣都食到。我地好貪心咁每款都食下😆，炸香茅雞翼、紅咖哩魚餅、黃金蝦餅。全部上檯都係熱辣辣。蝦餅好彈牙，調味唔會太重，炸皮都唔厚，推薦。香茅雞翼反而香茅味唔係好重，不過啱啱炸起，所以肉質都係juicy，而且好貼心地整成單骨雞翼，食落好方便。小食入面，我最喜歡呢款紅咖哩魚餅，味到好泰🤣(好似講左廢話），少少紅咖哩香味，加檸檬葉同魚肉，但呢款同蝦餅唔同，唔係好彈牙，反而係少少淋，不過好好食，推薦。飛天通菜ok，分量都幾多，調味唔會太重。作為Pad thai愛好者😂我都係食返自己最愛，午餐都唔馬虎，分量同之前晚上食差不多，仲多左碗湯同一個小菜。Pad thai比左好多芽菜，我好喜歡，同D金邊粉撈埋，每食一啖都會有D爽脆口感。麵炒得乾身，唔會覺得好油膩，調味唔會太重
日間餐廳既外觀幾日式，好適合打卡
樓底高，感覺空間寬闊，冷氣好夠，我地入去既時候啱啱開門，未有太大人入座，但係10-15分鐘內好快就坐滿客人，果然係人氣餐廳。
一睇發現原來假日都有午市套餐，仲可以加錢食唔同既泰式小食，啱曬我地兩個女仔，食唔到太多，可以每樣都食到。
我地好貪心咁每款都食下😆，炸香茅雞翼、紅咖哩魚餅、黃金蝦餅。
全部上檯都係熱辣辣。
蝦餅好彈牙，調味唔會太重，炸皮都唔厚，推薦。
香茅雞翼反而香茅味唔係好重，不過啱啱炸起，所以肉質都係juicy，而且好貼心地整成單骨雞翼，食落好方便。
小食入面，我最喜歡呢款紅咖哩魚餅，味到好泰🤣(好似講左廢話），少少紅咖哩香味，加檸檬葉同魚肉，但呢款同蝦餅唔同，唔係好彈牙，反而係少少淋，不過好好食，推薦。
飛天通菜ok，分量都幾多，調味唔會太重。
作為Pad thai愛好者😂我都係食返自己最愛，午餐都唔馬虎，分量同之前晚上食差不多，仲多左碗湯同一個小菜。
Pad thai比左好多芽菜，我好喜歡，同D金邊粉撈埋，每食一啖都會有D爽脆口感。麵炒得乾身，唔會覺得好油膩，調味唔會太重，係帶偏甜既番茄醬味，酸甜酸甜，好開胃，蝦都幾大隻，分量又好足，最後我地兩個勉強食得曬。
配餐既湯重白胡椒味，白蘿蔔好淋帶少少甜，飲落好舒服。
呢個配菜蘿蔔有驚喜，平時呢款配菜都係酸酸地帶少少鹹味，但呢個有再調味，係少少泰式辣味加上切碎的薄荷，解膩又清新，不錯。
朋友叫左個招牌香葉炒肉碎飯加錢轉USDA頂級燒牛肉
個飯分量好多，我地最後食唔曬😂，但米飯軟硬中，配飯既醬汁好好食，好送飯，燒牛肉有碳燒味，唔錯。另外，都好喜歡牛肉既沾醬，甜甜的，應該有加,青檸香茅魚露（泰式三寶？），有令到燒牛肉更好食。
飲品都係叫左上係最愛既泰式綠奶茶，一樣係咁好飲，唔會好甜，但茶味好夠，而且呢個特飲跟餐只係加10蚊
朋友叫左杯熱既泰式青檸茶都唔錯，係平時泰奶既茶底走甜加青檸同檸檬。
最後，雖然很飽都係想食甜品😂，叫左個
華田香蕉飛碟，我本身以為係泰國香蕉煎餅，但係原來兩塊酥餅夾住香蕉，配醬同華田脆脆，好正好滿足，一定要試
張貼
