新興食家 (裝修中)

禮拜日放假當然就訓耐d 11-12點先醒啦，訓醒肚餓就同屋企人飲茶。今日屋企人提議去堅尼地城試下呢間新興食家。呢間茶樓之前都聽過知佢開凌晨三點到下午四點，見到個鐘就拿拿臨出門口醫肚。去到等左5分鐘左右就有位，坐底開左茶就出去櫃位嗌點心食。除左出去嗌之外間唔中都有阿姐攞住新鮮出爐嘅點心問要唔要，每次4-5籠真係手快有手慢無。三個人嗌左幾款點心。隔離熟客推介必試流沙包真係好正，奶皇醬唔水，仲會起沙。蓮蓉包入面多餡，鹹蛋黃都幾大舊。仲要推介胡椒豬肚，味道唔太辣又唔腥，食落口好香。呢到仲有其他地方未必再見到嘅傳統點心。飲早茶甚至下午茶都會有正點心食。阿姐仲教落想少d人就weeekend早d黎。呢到一定會再黎食。