影片
更多
2018-09-04
644 瀏覽
為咗令假期有個美好嘅句號，同朋友去咗食慢煮工房。餐廳要上一層樓梯，但由地面開始已經有好多影相位，鐘意呃like嘅我係門口已經開始影相。一上到去就見到一堆夾band嘅樂器，如果真係有隊band係到就好啦！餐廳入面好多裝飾，感覺到店主超有心記去裝飾鋪頭。我同我朋友兩個人但店員帶咗我哋去有3張櫈嘅枱，剩一張嚟擺袋，唔洗攬住個袋食飯，坐得好舒服。坐低已經留意到每個人都分配咗一份刀叉，刀嘅造型係小菜刀，超級搞鬼。我哋嗌咗威靈頓牛柳、軟心拉芝士條、龍蝦汁香蒜大蝦意粉、三重蝦薄餅同埋荔枝接骨木梳打。之前睇《鋒味》果陣已經好想試下威靈頓牛柳($188)，今次終於有機會試到，賣相超級靚，又影咗一輪先食。同節目一樣好細心，已經切好咗，熱辣辣脆卜卜嘅酥皮包住蘑菇碎同大大舊嘅牛柳，牛柳雖然大塊但一啲都唔韌，咬落去啖啖肉仲有好香嘅蘑菇。軟心拉芝士條(6條) ($38)真係拉到好長嘅絲🧀，上枱果陣係暖嘅，如果可以熱啲就更加好。三重蝦薄餅($88)係熱辣辣咁上枱嘅，啲料超多超豐富🤤。我哋急不及待拎起各自嘅小菜刀切pizza，每一塊pizza上面都有彈牙嘅大蝦，大家唔洗爭，再加埋香氣滿分密密麻麻嘅櫻花蝦，仲有半溶嘅芝
餐廳要上一層樓梯，但由地面開始已經有好多影相位，鐘意呃like嘅我係門口已經開始影相。一上到去就見到一堆夾band嘅樂器，如果真係有隊band係到就好啦！餐廳入面好多裝飾，感覺到店主超有心記去裝飾鋪頭。我同我朋友兩個人但店員帶咗我哋去有3張櫈嘅枱，剩一張嚟擺袋，唔洗攬住個袋食飯，坐得好舒服。
坐低已經留意到每個人都分配咗一份刀叉，刀嘅造型係小菜刀，超級搞鬼。我哋嗌咗威靈頓牛柳、軟心拉芝士條、龍蝦汁香蒜大蝦意粉、三重蝦薄餅同埋荔枝接骨木梳打。
之前睇《鋒味》果陣已經好想試下威靈頓牛柳($188)，今次終於有機會試到，賣相超級靚，又影咗一輪先食。同節目一樣好細心，已經切好咗，熱辣辣脆卜卜嘅酥皮包住蘑菇碎同大大舊嘅牛柳，牛柳雖然大塊但一啲都唔韌，咬落去啖啖肉仲有好香嘅蘑菇。
威靈頓牛柳
$188
50 瀏覽
0 讚好
0 留言
軟心拉芝士條(6條) ($38)真係拉到好長嘅絲🧀，上枱果陣係暖嘅，如果可以熱啲就更加好。
軟心拉芝士條
$38
33 瀏覽
0 讚好
0 留言
三重蝦薄餅($88)係熱辣辣咁上枱嘅，啲料超多超豐富🤤。我哋急不及待拎起各自嘅小菜刀切pizza，每一塊pizza上面都有彈牙嘅大蝦，大家唔洗爭，再加埋香氣滿分密密麻麻嘅櫻花蝦，仲有半溶嘅芝士鋪滿面，連平時唔太好pizza嘅我都忍唔住食咗3件。
三重蝦薄餅
$88
28 瀏覽
0 讚好
0 留言
龍蝦汁香蒜大蝦意粉，扁意粉相對意粉更加吸味，再加埋濃濃既龍蝦同忌廉煮埋既醬，仲附送兩隻大蝦，啖啖都充滿鮮味！
龍蝦決香蒜大蝦扁意粉
$88
26 瀏覽
0 讚好
0 留言
荔枝接骨木梳打啱啱好可以中和食緊嘅油膩食物，之前飲過接骨木汁覺得唔錯，估唔到加埋荔枝梳打更加清新，而且唔會太死甜，滿足到我嘅飲汽水但又怕太甜嘅心😋。
荔枝接骨木梳打
$38
28 瀏覽
0 讚好
0 留言
慢煮甘花時間
但都係每人洗左$200到
性價比絕對OK
張貼
