地茂館甜品

營業中

休息中

去到九龍城 點會唔去地茂館 食甜品…去到可能因為仲係食飯時間所以唔使等位，就可以入去選擇同之前都差唔多，最後一人一個甜品等咗一陣就嚟到，點知而家份量勁細，好失望。今次叫咗一個湯圓，湯圓芝麻味都唔錯，不過薑嘅底感覺唔夠濃，會覺得褔元或者佳佳好啲。芒果杏仁茶小丸子，小丸子做得幾煙靭口感幾好，楊枝甘露味道都幾濃甜度都可以。不過兩款嘅甜品真係份量偏細碗，食咗幾啖就食完，又坐低到走10分鐘都唔使，好在不用等位就可以入去食。