泰妃雞 (已結業)

已有一段日子無吃過泰妃雞了, 今晚經過灣仔想起吃雞, 就來這家分店, 方便我吃完近搭巴士歸家. 店內只得兩枱客, 未有活道嗰間那麽擠擁, 坐低就叫了個海南雞飯, 不久店員就放下了我的柯打咭. 咦... 乜唔係$40蚊咩, 加咗價呀? 店員也即時回答我: 唔係, 呢間係貴兩蚊嘅! 不一會飯也來了, 和之前在活道吃過的一樣, 湯清得嚟夠味, 雞香而夠滑, 啖啖肉! 那些酸辣汁開胃好味! 但絕唔明點解要我俾多兩蚊! 不是兩蚊的問題, 作為一間連鎖, 我會期望無論我幫趁那一間分店, 出品及價錢應該是一樣的, 更何況兩間同是在灣仔區內? 我看這店的生意絕對少過活道, 那麽是否應收平而不是收貴來增加人流嗎? 既是如此, 我下次還是去活道嗰間吧!