大發餐廳開心菜館

營業中

休息中

位處洪水橋呢個美食沙漠，或者真係唔憂做，啲出品係差到無得再差。朝早食早餐，叫個餐蛋丁，盛惠44蚊包一杯凍飲。碗麵黎度，個麵碌唔透、餐肉無煎過、雞蛋係一早煎定一pan ，成碗野完全無放過心思入去煮。如果你仲收梗渡海小輪20蚊一碗既價錢我有要求就我白痴啫，依家你講梗40蚊以上，仲要得一塊午餐肉，唔係咁肉酸呀嘛？太興講梗一模一樣既餐蛋丁，兩塊午餐肉，所有野無整定，全部即煎都係收貴你多一蚊，人流講梗係你一倍以上，但係出品好過你幾倍🤢講真，唔好話香港人唔撐香港人，係你地餐廳做低自己，唔怪得人。