影片
更多
2024-04-20
65 瀏覽
屋子初期開在大圍及烏溪沙時，我係會專程去幫襯的，反倒住咗嚟將軍澳已有幾年，我一次都無試過呢間分店，所以今晚就試吓。點知⋯⋯做乜搞成咁⋯⋯而我唔明點解仲有咁多人排隊食咁既質素既cafe⋯⋯首先講下食物，我點咗壽喜燒牛肉定食，成個賣相擺位係保持到一貫水準既，點知食落口⋯⋯所謂壽喜燒的湯底，只係日本高湯或帶少少關東煮味⋯⋯😳呢個所謂壽喜燒分分鐘仲衰過平價五十嵐或吉野家火鍋個湯底🫣搞咩呀⋯⋯牛肉質素就算啦，香港98蚊食裝潢既餐廳，算係咁啦。但呢個壽喜燒完全唔合格🤦🏻♀️再嚟，服務⋯⋯服務態度其實我係無乜要求。不過今晚食完後，我對呢間餐廳既印象就係，你食緊一間譚仔阿姐水準既日系裝修餐廳😳樓面全部都係阿姐，隨時會大聲互相指責，「阿邊個，你入番廚房幫手」「阿邊個，你唔使帶位架！」⋯⋯下刪好幾個大聲命令⋯⋯明既，要教啲新阿姐做嘢，但都唔使好似街市咁大嗌出嚟既⋯⋯同本身間餐廳日系風格真係完全格格不入、相映成趣。另外仲有個小插曲，一坐低時我已聽到阿姐話無哂壽喜燒、無飯、無烏龍麵喇。隔咗5-10分鐘左右，有個排咗半個鐘終於有枱既客，排到時先發現咩都無，所以躁底理論。個客又啱喎⋯⋯佢話唔係對錯既問題，係你哋餐
點知⋯⋯做乜搞成咁⋯⋯
而我唔明點解仲有咁多人排隊食咁既質素既cafe⋯⋯
首先講下食物，我點咗壽喜燒牛肉定食，成個賣相擺位係保持到一貫水準既，點知食落口⋯⋯所謂壽喜燒的湯底，只係日本高湯或帶少少關東煮味⋯⋯😳呢個所謂壽喜燒分分鐘仲衰過平價五十嵐或吉野家火鍋個湯底🫣搞咩呀⋯⋯
牛肉質素就算啦，香港98蚊食裝潢既餐廳，算係咁啦。但呢個壽喜燒完全唔合格🤦🏻♀️
再嚟，服務⋯⋯服務態度其實我係無乜要求。
不過今晚食完後，我對呢間餐廳既印象就係，你食緊一間譚仔阿姐水準既日系裝修餐廳😳樓面全部都係阿姐，隨時會大聲互相指責，「阿邊個，你入番廚房幫手」「阿邊個，你唔使帶位架！」⋯⋯下刪好幾個大聲命令⋯⋯
明既，要教啲新阿姐做嘢，但都唔使好似街市咁大嗌出嚟既⋯⋯同本身間餐廳日系風格真係完全格格不入、相映成趣。
另外仲有個小插曲，一坐低時我已聽到阿姐話無哂壽喜燒、無飯、無烏龍麵喇。隔咗5-10分鐘左右，有個排咗半個鐘終於有枱既客，排到時先發現咩都無，所以躁底理論。個客又啱喎⋯⋯佢話唔係對錯既問題，係你哋餐廳一發現好多款嘢食都提供唔到時，係咪可以即時同排緊隊既客講聲，等佢哋自行決定無嘢食仲等唔等落去先，就唔使排到嚟時先發現得個吉？！
總括而言，呢間嘢我係絕對唔會翻兜，食物質素同服務都不值，對於以前食落其他分店有好印象既我嚟講，係好失望⋯⋯如果大家都係睇ig食飯，咁就悉隨尊便🙈😆
（偽）壽喜燒牛肉定食
$128
9 瀏覽
0 讚好
0 留言
張貼
