The Salfee Bar (已結業)

在鰂魚涌新開嘅哩間salfee bar好岩在附近返工嘅人，去過尖沙咀分店嘅會知道哩度系完全唔同嘅風格，似係外國街頭嘅健康salad bar。店面雖然唔大，堂食座位亦唔多，但系成間鋪行grab and go嘅風格，好岩生活節奏快嘅都市人。除咗主打五彩繽紛嘅健康沙律，店內都有好多特別嘅野飲，愛健康人士有好多唔同嘅選擇！我份沙律係三拼，韓式牛肉椰菜花沙律、希臘式吞拿魚沙律同番薯藜麥沙律，睇落唔係好多但系原來都幾飽肚😂。我最中意係韓式牛肉椰菜沙律，surprisingly竟然係泡菜味，好特別又唔會太淡味，唔會有淨系食菜嘅唔滿足感😆。杯smoothie亦非常健康，因為中意紫色所以連係咩味都冇考慮就order咗😂。原來有士多啤梨、藍莓、紅莓、紅棗、香蕉同奇亞籽，飲落仲有一粒粒嘅口感，又幾特別👍。