開花結果 (已結業)

最近減肥想食得健康啲，所以放假出街食飯都要諗過度過，諗諗吓忽然醒起之前嚟過呢度食，有生果食，絕對可以食得健康啲！自選餐可以揀一款包、一款餡料、再揀兩款配菜，我就揀咗香芒雞肉牛角酥配兩份生果。牛角酥熱熱地，好鬆脆，減肥都受唔住引誘喇！其實健康啲可以揀白包或者麥包嘅。配菜方面，我就揀咗兩份生果，份量都幾多架。另外一位叫左香芒雞肉白包配生果同吞拿魚沙律，吞拿魚沙律其實都好大份，加埋粟米甜甜地都好好食！除咗生果餐，當然仲有果汁飲啦，果汁係鮮榨，好飲！