Poking

成日出街食飯，日日都多菜少肉，星期六放假同朋友一齊又想食好嘢，又想食得健康啲，就決定幾遠都要出上環試吓呢間Poking。皆因佢每一個Signature Bowl都好吸引，佢嘅搭配唔止顏色，賣相好靚，仲要每一樣配菜都好吸引。呢度舖面細細，但都絕對好適合黎呢度一邊食飯一邊打卡，因為佢本身既裝修風格就好文青。而且落單好方便，直接用手機落單，即時出埋單，check到自己點左咩，有無點漏嘢，單度中好清晰，咁寫明左你個signature Bowl有啲乜嘢配菜。呢個叫Creamy Baby，連個名都可愛過人，材料超級豐富，首先有好搶眼嘅三文魚，然後有我好鍾意食嘅牛油果，仲有雞蛋絲，豆腐，蟹子，木魚絲，脆炸蒜，仲有好好味嘅芥末沙律醬。至於飯就可以簡壽司飯同糙米，呢個bowl我就簡左糙米，成個配搭好美味，好健康。我朋友就叫左Spicy Ahi Tuna，同樣都係勁吸引，一樣有好搶眼既吞拿魚，跟住重有枝豆，青瓜，芒果，芝麻碎，紫菜絲，壽司飯配辣醬油再配沙律菜。菜同飯既份量配搭岩岩好，好fresh，好健康。咁好味既poking bowl真係食極都唔會厭啊！