Paper Stone Bakery (已結業)

大東山之日，聞說要行二千幾級樓梯先登到頂🤗男朋友一早已經為呢一日做好準備，又買電筒又買行山杖😲而我呢個為食鬼梗係負責乾糧嘅部分😂香港節奏比較快，市面上大部分嘅麵包都係預先係工場整好再運到各門市出售。所以比較難搵到無添加嘅健康麵包！Paperstone係其中一間我嘅must buy之選😽不過我都係好後期先發現原來佢係屬於美心集團嘅🙊，不過質素同價錢上好明顯係另一條line啦！我嘅兩大最愛💋多穀南瓜籽黑麥法包 + 紅莓紅菜頭法包今次就揀左前者，多穀同南瓜籽都係好健康嘅食物，而且黑麥法包唔屬於精緻澱粉，所以營養師都好推薦嫁！最重要佢唔會好似岀面d空氣包咁🤭 行到上山頂🏔️望住四面環山嘆住包包，寧舍寫意✌🏻紅莓紅菜頭就相對無咁好咬口，但酸甜果乾配上紅菜頭法包又係另一滋味。呢個就留番聽日早餐食啦😏😏題外話，呢到嘅好處係，所有法包基本上都有試食，試岩再叫店員即切👍🏻👍🏻 同埋，宜家hsbc卡做緊promote. 變相個包更加抵！正呀~