椰粉湯紅 (已結業)

成日食啲嘢咁重味，偶爾都想食下清少少。路過呢間餐廳入面環境粉紅色，好吸引眼球，引左我去買佢啲野食黎食。雖然依家晚市冇得堂食，冇得坐喺餐廳入面食，但企喺入面等外賣都開心嘅。🍜日式胡麻醬手撕雞冷麵 $59胡麻醬撈出黎嘅冷麵，冷麵食落非常彈牙，雞嘅份量亦都非常多，又有粟米、蕃茄、生菜、青瓜，感覺清新。而冷麵亦都係蕎麥麵，感覺健康。整體來講性價比幾高。🥣食療拿杯湯 $15今次嘅食療拿杯湯即係黑豆茶樹菇薏仁豬展湯，入口相當唔錯，飲落會有少少茶樹菇嘅味道，湯嘅顏色偏深灰色，飲落去係一個健康嘅湯，飲完感覺健康咗。🐔椰香海南雞椰香飯套餐 $77海南雞飯呢個套餐會送埋湯同埋蔬菜，湯就係食療那杯湯。我覺得海南雞飯最特別就係佢嘅椰香飯，同雞油飯唔同，椰香飯有椰汁嘅香味，配埋海南雞食，非常惹味。海南雞幾滑身，配埋佢自家調製嘅汁，幾唔錯。🐷蒜泥白肉 $39蒜泥白肉上有好多蒜泥，配埋紅油，撈落去白肉度食，好適合作為一個小食。整體黎講，呢間係一間食落健康，而味道又唔錯嘅餐廳，幾值得一食。