大麥牛肉麵 (已結業)

好耐都冇黎呢到了😗，今日要邊呢邊交野嘅時候就見到呢一間幾生面口嘅餐廳。🤨餐廳門口放左d大麥黎做裝飾，入面嘅裝修同佈置都有小清新嘅感覺，白色嘅牆令餐廳好光猛同有清潔感，有一道藍色嘅牆畫，上面掛住幾幅畫。❤️健康料理門口有掛住佢係自家制嘅麵條，餐牌上嘅選擇唔算多，但有蕎麥麵，手拍青瓜同青菜呢d健康嘅選擇。⭐️招牌紅燒牛肉蕎麥麵果然係招牌，牛肉湯底好香，加上有蘿白，令到湯底帶點甜，我欣賞佢有辣味可以選擇，佢嘅辣唔係放d辣椒油俾你，而係有條辣椒🌶️係湯底到，可以保留到牛肉湯底嘅清香。⭐️古早滷肉便當🍱一入到去已經有好香嘅滷肉味，所以都叫左一個。佢嘅滷肉一點都唔肥，粒粒都係肉，食完都冇咁多罪惡感。⭐️滷水拼盤⭐️涼拌青瓜🥒⭐️桂花薄荷酸梅湯🌼第一次飲呢個配搭，桂花好香，開胃嘅酸梅湯再加後勁嘅薄荷味，係幾有趣的。最好嘅係佢有室溫嘅揀，唔洗得凍同熱。