Poking

呢日經開銅鑼灣禮頓道，發現有間小店，主打近年大熱嘅poke bowl，賣相好吸引，見環境舒適，入去試吓先。餐牌入面有多款poke bowl，除咗特色風味之外，仲可以按自己口味自選材料。飯底可以揀壽司飯、沙律菜、蕎麥麵及糙米飯等選擇。同時亦有多款熱食便當，真係花多眼亂。Big Mac Chicken（$98）- 入邊有慢煮雞胸、菠蘿片、藜麥車厘茄沙律及芝麻，配和風沙律醬。值得留意。佢嘅慢煮雞胸有300克，分量十足，入口鮮嫩好味。其他食材亦好新鮮，配搭美味。Tropical moo-moo（$88）- 有秘製牛腱肉、菠蘿片、西蘭花、車厘茄沙律，牛腱肉非常入味，配合其他食材，味道好豐富。牛油果軟豆腐（$38）- 豆腐好香好滑，配埋牛油果，仲有木魚，既健康又好味。跟餐包飲品，亦可加錢upgrade至特色飲品。我哋點咗牛油果希臘乳酪特飲（+$48）及蜂蜜柚子茶（+$15）各一，牛油果希臘乳酪特飲入口好creamy，好香滑，值得一試。餐廳poke bowl份量超多，食材新鮮好味，啱晒注重健康養生嘅朋友。