Silver Lining Coffee Workshop (已結業)

呢間Cafe裝修白色簡潔，賣點是沒有加工的Whole Food，健康！Healthy All Day Breakfast $118 有椰菜花炒飯，慢煮雞胸，大啡菇，烤南瓜，烚蛋及柚子醋沙律，非常豐富，健康又飽肚。沙律開胃，大啡菇Juicy，南瓜又腍又甜；慢煮雞肉肉質夠嫩，最正係個椰菜花飯加入左蘿蔔粒，口感似炒飯，好好味。慢煮無骨雞腿肉意粉配沙律 $95 自家製南瓜醬好好食，個醬撈匀左個意粉，每啖都食到啲南瓜蓉。Homemade Tiramisu $58係老闆自家製，賣相勁吸引！食落味濃而不覺膩，有少少入口融化的感覺！正！朋友亦讚咖啡好飲，我平時少飲咖啡，但飲左杯Latte都確實唔錯。