影片
更多
2021-08-20
32 瀏覽
【Green Tech Cafe】#西環 #素食 #cafe今日同咗個朋友喺HKU附近搵下午茶食，嗰位朋友又話想食得健康啲，見到有間素食Cafe，就決定入去試吓。我哋叫咗一個英式下午茶餐share，總共有四款鹹點同埋兩款甜點，另外附兩杯$35以下嘅飲品。朋友最鍾意沙嗲串燒，覺得啲沙嗲汁好惹味。而我就最鍾意件芝士蛋糕，佢唔會太過密實，略略地有少少軟綿綿嘅感覺，食落口好舒服。飲品方面我哋就揀咗木瓜亞麻籽杏仁奶同埋榛子拿鐵。杏仁奶相當柔滑，飲落好滿足好飽肚。拿鐵嘅榛子味同咖啡香到配搭得和諧，健康又好飲。老闆娘仲非常之好人，聽見我哋係HKU嘅學生，就同我哋講但凡係學生帶埋學生證過嚟就會有飲品或者食物贈送。如果嫌唔夠飽，都可以事先嗌加底，佢哋會調整份量，務求令你食得又飽又滿足！遲啲老闆娘仲考慮緊添置一啲boardgame或者卡牌遊戲，咁喺附近返學嘅學生得閒冇嘢做嘅時候都可以過嚟吹吓水、玩吓遊戲、溫下書，坐耐少少都唔怕～———————————————#greentechcafeGreen Tech Cafe (西環)西環石塘咀干諾道西188號香港商業中心地下1號舖
今日同咗個朋友喺HKU附近搵下午茶食，嗰位朋友又話想食得健康啲，見到有間素食Cafe，就決定入去試吓。
我哋叫咗一個英式下午茶餐share，總共有四款鹹點同埋兩款甜點，另外附兩杯$35以下嘅飲品。
朋友最鍾意沙嗲串燒，覺得啲沙嗲汁好惹味。而我就最鍾意件芝士蛋糕，佢唔會太過密實，略略地有少少軟綿綿嘅感覺，食落口好舒服。
飲品方面我哋就揀咗木瓜亞麻籽杏仁奶同埋榛子拿鐵。杏仁奶相當柔滑，飲落好滿足好飽肚。拿鐵嘅榛子味同咖啡香到配搭得和諧，健康又好飲。
老闆娘仲非常之好人，聽見我哋係HKU嘅學生，就同我哋講但凡係學生帶埋學生證過嚟就會有飲品或者食物贈送。如果嫌唔夠飽，都可以事先嗌加底，佢哋會調整份量，務求令你食得又飽又滿足！
遲啲老闆娘仲考慮緊添置一啲boardgame或者卡牌遊戲，咁喺附近返學嘅學生得閒冇嘢做嘅時候都可以過嚟吹吓水、玩吓遊戲、溫下書，坐耐少少都唔怕～
———————————————
#greentechcafe
Green Tech Cafe (西環)
西環石塘咀干諾道西188號香港商業中心地下1號舖
張貼
