影片
更多
2014-11-04
538 瀏覽
呢幾個月因為要減肥，所以不停研究點樣可以食得健康啲。我好中意食麵包, 不過依家都唔可以食太多，因為一般麵包店賣嘅個裝麵包又油又蛋又糖，食完更加肥！而且只用小麥粉做嘅麵包比較高GI，食完會好快又餓過。一次行入das gute望梅止渴的時候，見到佢有個牌介紹佢哋幾款德國麵包。回家上網search先知原來das gute主打德國麵包。其中德國裸麥包比較高纖高蛋白質，而且比普通麵包更低GI更健康，於是就決定搵日lunch買嚟試下。das gute有兩種差唔多嘅包，袋裝嘅叫德國裸麥合桃提子包；冇包裝，獨立個裝嘅好似叫裸麥合桃提子包。我上網見到人話有 "德國" 兩字呢款口感紮實啲, 比較貼近德國包風味，於是買咗呢隻。(買嘅時候真係要睇清楚啲，我都差啲買錯)袋裝半個包賣$18，有6大片，我一餐lunch食3片，可以分兩餐食。我依家買食物一定會睇成份同營養標籤。呢隻包唔似超市啲大牌子加好多糖, 添加劑同化學成分，夠健康！原先睇人地食評話裸麥包口感硬，味道微酸，都驚自己食唔慣。不過食落發現好好食！提子乾為個包加添甜味，合桃就增加口感。提子乾同合桃個比例都非常好，每啖都食到有提子乾或合桃。因為個包夠紮實又
我好中意食麵包, 不過依家都唔可以食太多，
因為一般麵包店賣嘅個裝麵包又油又蛋又糖，食完更加肥！
而且只用小麥粉做嘅麵包比較高GI，食完會好快又餓過。
一次行入das gute望梅止渴的時候，見到佢有個牌介紹佢哋幾款德國麵包。
回家上網search先知原來das gute主打德國麵包。
其中德國裸麥包比較高纖高蛋白質，而且比普通麵包更低GI更健康，於是就決定搵日lunch買嚟試下。
das gute有兩種差唔多嘅包，
袋裝嘅叫德國裸麥合桃提子包；冇包裝，獨立個裝嘅好似叫裸麥合桃提子包。
我上網見到人話有 "德國" 兩字呢款口感紮實啲, 比較貼近德國包風味，於是買咗呢隻。
(買嘅時候真係要睇清楚啲，我都差啲買錯)
袋裝半個包賣$18，有6大片，我一餐lunch食3片，可以分兩餐食。
我依家買食物一定會睇成份同營養標籤。呢隻包唔似超市啲大牌子加好多糖, 添加劑同化學成分，夠健康！
原先睇人地食評話裸麥包口感硬，味道微酸，都驚自己食唔慣。不過食落發現好好食！提子乾為個包加添甜味，合桃就增加口感。
提子乾同合桃個比例都非常好，每啖都食到有提子乾或合桃。
因為個包夠紮實又低GI，所以就算只係食三大片都夠飽，而且我好中意呢種紮實嘅口感。
雖然呢餐只係食包好似dry咗啲, 不過其實都補充到纖維同蛋白質。
準備多一杯牛奶或豆奶飲就更perfect~ (好似變左早餐....)
餐餐食就唔會啦, 間中健康下都好嘅
張貼
