椰粉湯紅 (已結業)

食咗咁多日油膩Heavy野，今晚來灣仔呢間椰粉湯紅食健康晚餐～ 見到餐廳天花轉左橙黃昏暗波波燈，光線昏暗，好似打卡Cafe咁，幾有氣氛。椰香海南雞椰香飯套餐 $76包海南雞飯，食療拿杯湯，菜心。海南雞有兩個醬，一個椰子醬，一個海南雞醬，兩個醬汁配海南雞同飯都好好食😋 海南雞肉質滑嫩，飯都充滿椰香，份量適中。仲配菜心，好健康😍食療拿杯湯湯水濃郁，夠熱又香，飲完覺得好暖身，好健康。炭燒鰻魚椰香蛋包飯 $93好大嘅一整塊煎蛋嵌着白飯😍 仲有少許配菜蕃茄粟米南瓜，幾健康。鰻魚切到細條長條型，幾方便進食，鰻魚軟嫩，好滋味。