Today's Food Lab (已結業)

作為港島區嘅上班族，係忙忙碌碌嘅生活中最大嘅樂趣就係搵唔同嘅好嘢食，今日放lunch去咗上環搵食，就見到呢間細細間主打健康嘅小店，價錢喺附近區域黎講都算合理，有幾個位，可以坐喺度慢慢食。佢有幾款set俾人揀，我揀咗個南瓜蓉咖喱雞飯，而同事就叫咗一個肉鬆拌黑蒜茄子泥飯，兩個飯都好足料，跟餐仲有湯同埋特色飲品，好豐富！我個南瓜蓉咖喱飯雞飯唔會太辣，因為加左南瓜蓉所以係甜甜地，除咗雞肉仲有幾款蔬菜好健康，其中一款仲要係我鐘意嘅秋葵！同事個飯我都試咗兩啖，個黑蒜茄子蓉好特別，相對其他嘅醬汁較健康，本來以為黑蒜會好濃好辣，但係原來都幾易入口，有淡淡嘅黑蒜味，用黎撈飯一流！