影片
更多
2023-12-18
81 瀏覽
响中環返工，食晏有時真係好多人，所以都喜歡買外賣返公司食有同事介紹响擺花街開咗間叫一點心嘅中式點心外賣店，今日就決定試吓佢哋每日都有套餐供應，我揀咗蒸牛肉飯配老火靚湯，仲有燒賣，價錢都係$81，中環嚟講可以接受但又見到新鮮炸起嘅鹹水角，忍唔住又買咗兩粒，價錢$18 返到公司打開蒸飯，牛肉好亮麗，完全唔會蒸到乾淨淨。而且份量都多，唔會只係响面薄薄一層，牛肉入面加咗馬蹄芫荽，仲食到淡淡的陳皮香，係傳統嘅牛肉球做法，好食份量足湯係西洋菜湯，飲一啖好順喉好濃郁，而且唔係剩係得湯，仲有湯渣，證明好足料，西洋菜係秋冬最佳嘅選擇兩粒燒賣超巨型，有成隻大蝦响面，入面嘅豬肉應該係手切，食到有粒粒嘅口感，而調味唔會太鹹，偏向健康為主最後加嘅鹹水角，新鮮炸起表皮脆脆地，入邊仲暖，餡料好豐富，糯米煙煙韌韌，食埋就超級飽
有同事介紹响擺花街開咗間叫一點心嘅中式點心外賣店，今日就決定試吓
佢哋每日都有套餐供應，我揀咗蒸牛肉飯配老火靚湯，仲有燒賣，價錢都係$81，中環嚟講可以接受
但又見到新鮮炸起嘅鹹水角，忍唔住又買咗兩粒，價錢$18
返到公司打開蒸飯，牛肉好亮麗，完全唔會蒸到乾淨淨。而且份量都多，唔會只係响面薄薄一層，牛肉入面加咗馬蹄芫荽，仲食到淡淡的陳皮香，係傳統嘅牛肉球做法，好食份量足
湯係西洋菜湯，飲一啖好順喉好濃郁，而且唔係剩係得湯，仲有湯渣，證明好足料，西洋菜係秋冬最佳嘅選擇
兩粒燒賣超巨型，有成隻大蝦响面，入面嘅豬肉應該係手切，食到有粒粒嘅口感，而調味唔會太鹹，偏向健康為主
最後加嘅鹹水角，新鮮炸起表皮脆脆地，入邊仲暖，餡料好豐富，糯米煙煙韌韌，食埋就超級飽
張貼
