Poking

有時食得太heavy, 就會想食健康美味又飽肚嘅Poké Bowl～ 呢度主要提供夏威夷蓋飯, 飯底可以揀壽司飯、沙律菜、蕎麥麵或雙拼, 配料選擇非常多, 包括有：三文魚、吞拿魚、鮮蝦🦐、八爪魚🐙、慢煮嫩雞肉等等, 亦可按自己嘅喜好自由配搭, 總有一款啱你口味！ 另外亦提供多款高蛋白沙律🥗、乳清蛋白飲、酒精及非酒精飲品, 關注健康、想keep fit、健身人士、純素者都照顧到！Menu上仲會標籤住每款Poké Bowl嘅卡路里, 醬汁亦可以揀少醬、走醬或另上, 非常貼心💕我揀咗自選夏威夷蓋飯, 要蕎麥麵配沙律菜底, 配搭慢煮雞胸、西蘭花🥦、枝豆、雜錦香菇🍄‍🟫、牛油果🥑, 份量非常足, 滿滿嘅蛋白質, 營養價值高！各款食材都好新鮮, 胡麻醬撈蕎麥麵好正呀😋！🥤紅火龍果希臘乳酪特飲 跟餐加$38就有～ 用紅火龍果、希臘乳酪打成特飲, 顏色好鮮艷🩷🤍！飲到天然紅火龍果嘅清甜味, 口感好creamy, 同希臘乳酪好夾！健康又好飲！