一汁一菜 (源成中心)

營業中

休息中

收工跟同事近近地食個飯先回家，佢提議去食#觀塘 #源成中心 地舖嘅#一汁一飯, 呢間第一次食，食物質素都唔錯啊。有單點或套餐，我哋要左特選二人前餐，咩都有好抵食。日本帆立貝大根豆乳濃湯，真材實料有雞原粒帆立貝在內，配埋大根清甜的好夾。一汁一茶和牛羅宋湯，湯足料有煮到好軟淋牛肉，健康的蔬菜同埋薯仔，味道酸酸甜甜的好開胃。築前煮，有雞肉、冬菇、蓮藕、蒟蒻、蘿蔔同牛蒡，醃製得入味，健康之選。沖繩汁燒大根豬軟骨，富有骨膠原的豬軟骨，咬落好有咀嚼感，瘦中有點肥，味道唔錯。濃香牛肉野菌咖哩飯，日式的咖哩偏甜的， 小朋友都啱食，牛肉份量多亦唔會韌，汁內還有些菇類更健康，拌撈飯食好正。飲品點了蜜桃紅茶，天然清新。