椰小盅燉湯專門店 (已結業)

最近成日捱夜，身體唔好，出街又成日亂食。難得是日在家工作，下晝就出去決定買個健康啲嘅午餐，好好享受我嘅healthy Friday。～～～呢間餐廳有好多套餐可以選擇，下晝嘅時間都幾多人黎食。環境整潔乾淨，餐桌木色裝修，幾舒服。～～～今次叫嘅蟲草花乾貝土雞燉鮮鮑🥥椰小盅，寫住可以平肝固腎。提升免疫力，係咪真係咁Work就唔知,但係味道就真係好飲嘅。用椰子燉出嚟嘅湯特別清甜，土雞嫩口，鮑魚亦都好彈牙。～～～除此之外，織金竹笙烏雞🐥椰小盅味道也不錯。竹笙爽口洗得夠乾淨，烏雞亦好有咬口，濃郁非常，湯頭唔油膩。～～～焦糖醋香排骨配紫薯飯亦都係我嘅心水推介。醋香排骨軟腍入味，排骨有軟骨位，肉味頗濃，焦糖醋香汁亦好下飯，紫薯🍠飯除咗顏色靚之餘，亦比普通嘅白飯健康，有更加高嘅纖維，健康同好食同時存在，呢一點值得一讚。～～～椰小盅燉湯專門店 藍田茶果嶺道95號麗港城三期麗港中心商場地下10A號舖